مدونة كارم ابراهيم

السلام عليكم ..

الان تمت اصدارة المدونة الى الإصدار 2.6.3 .. وقمت بتغير الاستايل ..

قمت بحمد الله اليوم بترقية اصدار المدونة وتحديث الاستايل الخاص بها ساحاول المتابعة ان شاء الله

السلام عليكم ورحمة الله وبركاته

لديك ملف على سيرفرك وتريد ضغطه zip ووضع كلمة مرور له pasword

لو لدينا مجلد باسم karem فرضا

الامر : zip -e -r karem karem

وهيطلب منك ادخال الباسورد مرتين والان لديك ملف مضغوط بباسورد

تحياتى

السلام عليكم ورحمة الله وبركاته

Happy Birth Day كارم ابراهيم

امبارح فكرت ادون واقول انا عيد ميلادى النهاردة بعدين قلت لا المهم عيد ميلادى كان امبارح وموافق اول ايام عيد الفطر المبارك

مش عارف كان فى احساس عندى انى مش هقدر اكتب تانى او اقرا حتى ليه مش فاهم …

المفترض انهاردة اجازتى فى الشغل وكنت هركب خيل فى نزلة السمان وهنقضى يوم كويس جميل للاسف رجعت متاخر والبيت

يصحى فيا وانا نايم قتيل الحمد لله على كل حال … بفكر اكتب تانى هحاول وربنا يعينى ادعولى

العميل : الموقع متوقف

الموظف1 : ماعلاقتنا بتوقف الموقع عميلنا الكريم
؟

راجع مستضيف الموقع

شكرا لك

العميل : اخي انتم مستضيفين الموقع

الموظف 2: : عزيزي العميل
الموقع مربوط على هذه الدي ان اس ليس لها علاقة بسيرفرتنا
Name Server: NS1.xxx.com

Name Server: NS2.xxxx.com

السلام عليكم

العميل : هل  تستطيع معرفة اسم الشركة المستضافة

الموظف1 : الغالى :

الموقع موقعك وانت من استضفته الا تعرف من مستضيفك !

Name Server: NS1.xxx.com

Name Server: NS2.xxxx.com

هذا الدى انس الموجه لديه موقعكم

هل هناك اى استفسار قبل اغلاق هذه التذكرة ؟

العميل : يبدوا ان الموضوع فيه شئ غامض علينا .. الله اعلم فيه

شكرا لك اخي الموظف 1 .. اتمنى ان تتقبل اعتذاري اذا كان سببت لك اي ازعاج في السابق وخاصة اني ارى اجوبتك دائما مغتضبة .. كما ارجوا شكر الاخ اللطيف .. الموظف 2 له مني كل تحية واحترام وتقدير .
والسلام عليكم ورحمة الله وبركاته .

الموظف 1 : تغلق التذكرة لانتهاء الغرض منها

كانت هذه تذكرة وادى العميل العربى اترك التعليق لكم لان بجد لا تعليق

مش عارف قلت اما اكتب فى المخروبة دى بدل مالواحد بقاله كتير مكتبش ولا كلمة .. اخر التطورات بقيت مشرف فى سوالف سوفت

بدات احاول ارجع للحياة الطبيعية اخيرا بقيت اخرج شبه الناس عادى مش مرمى ادام الاب ليل ونهار قررت لازم كل يوم اخرج واشوف الدنيا اتفاجت بناس بحبهم والله بعزهم بجد مشوفتهمش من كتير بقولولى انت فين يابنى اهو معلش دنيا بقى ياجماعة معظم زمايلى مخلصين وطبعا بقوا عواطلية رسمى وبلعبوا طاولة بكره الطاولة قوى لعبة العواجيز احنا معجزناش ياجماعة والله لسا وعجبى .. ايه تانى اه روحت صيفت يومين تلاتة فى راس البر كان مزاجى حلو خلصوا رجعت تانى متعكنن اكتر واكتر واه كمان  بجرب فى حاجة جديدة والحمد لله بدات اندمج فيها وربنا يسهل وتكمل على خير وبتمنى انى افوق من الغيبوبة وحالة الملل الدائم واكتب اى حاجة هنا سلام

بحبك يامصر اه والله بحبك .. ماتستغربوش اه بحبها رغم الى فيها بس برضو بحبها بعشقها دى بلدى ياجدعان بلدى الى جابت احمد زويل  انيس منصور  الشيخ الشعراوى … وناس كثير قوى ليهم بصمة فى العالم العربى لو مكنش فى العالم كله بحبك يامصر وفى كل وقت وفى كل لحظة رغم الى فيكى الوحش من مصر ياجماعة الوحش من … ربنا يهديهم الوحش برضو منى ومنك لازم نفكر كويس ونعرف ايه حقوقنا وايه واجبتنا مش اى كلام وخلاص .. اكتر حاجة بتعصبنى لما تلاقى امور فى موقع على النت يجى يقولك مصراية ونصابين وبتاع يابن الحلال ليه بتجمع على كل الدولة انت اتعاملت معاها كلها طبعا لا بس هو تفكيره اخره كده مش عيب دى فعلا اخر قدراته العقلية لما يفكر كده .. ودولتهم الجميلة بالنسباله محدش بيغلط فيها وتيجى تبص تلاقى الامور دولته فيها منها كتير نصابين وناصبين على مصرين بس مينفعش يقول عندنا نصابين تقولش معصومين من الخطا وكلهم نضاف واحنا وسخين مش فاهم حتى سوالف الجميلة لمجرد موضوع ذكر عن شركة مصرية تسيبه مفتوح كتير ومتقفلوش طيب ليه ياادارة ليه يامشرفين ! مفيش تعليق غير انه عشان شركة مصرية !!! مع الرغم اى موضوع تانى فيه سب او مشاكل بتقفل وقتى حدود دى خيرها كتير على شركات عربية ومش شركة صغيرة بس عادى بقى .. وفى وسط الموضوع ياجدعان الاقى واحد بينادى عليا انت فين يا كارم ابراهيم مستخبى ليه . وربنا ضحكت لما شوفت الرد تقولش انا رئيس المقاومة الشعبية وانا مش عارف ياعم انا مالى مشكلة بين شركة وعميل ادخل ليه ! على راى المثل يا داخل مابين البصلة وقشرتها ماينوبك الا حراراتها ولا دمعتها مش فاكر الناس اصحابى حتى استغربت الى اتصل بيا يقولى واحد بينادى عليك والى يكلمونى يقولولى بينادو عليك فى الموضوع انا مالى ياعم فكك دى حواراات هبلة مش عارف انا فايق ازاى اكتب الشغل بيبدا مش بتلحق حتى تقوم تاكل ربنا يعين دى حالة جنون بنعيشها مش عارف ايه الى بقوله فى الاخر ده بس هنرجع واقول زى مقولت اول بحبك يامصر

مين فينا مفيش فلم فى يوم من الايام خليه يدمع خلاه يتاثر بالفيلم اكنه جواه حس بمعاناه ابطاله ..

اعد سهران الفجرية اتفرجت على الفلم ده A Walk To Remember بجد فلم قمة فى الاداء فى الاحساس فى الاخراج مقدرتش

استحمل بكيت فعلا بكيت الفلم مشاعره قوية جدا هتهز اى حد مهما كان الفيلم قصة حب قوية حزينة قاسية لابعد حد

لفلم يحكي قصة مراهقين على وشك أن يغير أحدهما حياة الأخر. نقابل في البداية الشاب الوسيم المشاغب الشعبي والمشهور، لاندون (شاين ويست) يمارس أحدى هواياته المزعجة مع أصدقائه المشاغبين في عمل بعض المقالب مع من أحد الأبرياء الجدد الذي أن يحاول التقرب منه. وبعد أن نأخذ صورة واضحة عن أسلوب حياته وأفكاره واهتماماته نشعر أنه يفتقد لشيء هام في حياته وهو والده الذي تخلى عنه وعن والدته (داريل هانا). في الكنيسة نقابل الطرف الآخر من القصة وهي الفتاة الخلوقة المغنية المنبوذة جايمي (ماندي مور) صاحبة الأب الكاهن المحافظ (بيتير كيوتي) تغني مع الكورال المدرسي وتشارك في مسرحيات لصفوف الدراما، وطومحها أن تشهد معجزة. هاتين الشخصيتين المتناقضتين يذهبان لنفس المدرسة ويعرفان بعض منذ أن كانا معاً في الروضة، لاندون يواجه جايمي عندما تحاول هي أن تتقرب منه، أنها دائماً ترتدي نفس السترة، وتراقب قدميها أثناء مسيرها، وتجلس لوحدها وحيدة ما بين أفكارها وكتبها المثالية، ولكن جايمي العميقة والصبورة تشاهد شيء أهم من ذلك في روح لاندون، الأمر الذي يؤدي إلى بعض المواقف التي تغير أفكار أول السطحية إلى الأبد

نوع الفيلم : دراما - رومانسى

اخراج : Adam Shankman

ايها المتحول كفاك شغل هبل بقى انت مصرى يبقى ليه بتتحول وعشان ايه حرام عليكو بجدا كل شوية تلاقى موضوع كل الناس الى فيه مصرين وردودهم اخوى وابوى ووالله ماقصرت ومش عارف ايه انت شايف التحول ده حلو يبنى انت وهو ولا ايه على فكرة عينة المتحولين دى الشباب الجديدة والشباب الى مفكرة الخليج بينقط دهب وجاى يتسلى علي الخليجين ويقلبهم اه انا مصرى بس هقول كده المتحولين هما العينة دى الى بيدمروا اسمنا وسمعتنا وهيبتنا بجد اتخنقت امبارح وانا بتصفح موضوع فى موقع تقنى كل انلاس مصرية ومتحولة ربنا يهديكم يارب وترجعو لعقلكم